Monday, June 09, 2014

Парисийн метро доторхи хөгжимчид.

- Парисийн метро ерөнхийдөө газар доорхи бүхэл бүтэн хот байгууламж гэж хэлж болно доо бараг. Өнгөрсөн зуунд баригдсан бараг дэлхий дээрхи хамгийн хөгшин метро байхаа даа. Анх 1800 оны сүүлээр шав нь тавигдаж байсан гэж байгаа. Тэгэхээр энэ нь зөвхөн метро гэхээсээ илүү олон зүйлийг дотроо агуулж байдаг юм. Түүний нэгээхэн хэсэг нь хөгжимчид л дөө. Нэг иймэрхүү хөгжимчид Парисийн метрогоор үнэндээ л нэг байна даа. Ер нь Парисийн метроны өнцөг булан бүрд л болсон болоогүй баахан хөгжимчид байдаг юм. Урдаа малгайгаа доошоо харуулаад тавьчихсан тэгээд л дуулаад л байна. Индианчууд, Гитар барьсан хүмүүс, хамтлаг, заримдаа бүхэл бүтэн хийлийн хоор ирчихсэн тоглож байх шиг. Энэ доор төгөлдөр хжжр тоглоод байгаа нөхөр надад их сонин санагдаад зургыг нь авсан юм. Хүмүүс ч хүний анхаарал татаж мөнгө олохын тулд янз бүрийн юм сэтгэх юм даа гэж. Харин тэрүүний доод талд байгаа бичлэг бол Орос хүмүүс, уг нь нэг хамтлаг л юм шиг байгаа юм. Их олуулаа дуулна үнэндээ л гоё дуулна. Яагаад ч орос дуу чихэнд маань хоногшсон их сайхан байдаг юм билээ. Би хааяа энэ хамтлагын хажууд нь зогсож эдний дуулах уянгалаг дууг нь сонсох их дуртай!!

video
video

Monday, May 05, 2014

Зүүдний талаар














Зүүд бол та унтаж байхдаа хардаг биш
Зүүд бол таныг унтуулдаггүй зүйл
---------------- Авдул Калам ---------------------

- гэж энэ хүн ингэж өгүүлсэн байна. Энэ нь миний сүүлийн үед зүүдний талаар боддог болсон сонин зүйлтэй бараг агуулга нэг байна. Миний хувьд зүүдний талаар иймэрхүү юм бодоод байгаа. Жишээ нь би Эрдэнэжаргал гэж хүн маш олон ертөнц дээр амьдарж байдаг байж болох юм. Тэр ертөнцүүд дээр би нэг л байдаг тэгэхдээ миний амьдрал шинээр төрж эхэлжил байдаг бас нас барж төгсжил байдаг. Энэ ертөнц дээрхи миний зүүдэлсэн зүүд тэдгээр өөр ертөнцүүд дээрхи надад яг тохиолдож байдаг. Өөрөөр хэлбэл зүүд зүгээр нэг санаандгүй тохиолдол биш, зүүд бол бодит. Хүн дараа насандаа диваажинд очдог гэдэг тэр диваажин нь миний нөгөөх хувилбар байж болно шүү дээ. Тэгэхээр энэ хорвоод би муу юм их хийвэл нөгөө ертөнц дээрхи би тэр төлөөсийг төлж явна гэсэн үг болж байна. Тэгээд би энэ хорвоогоос халихад тэр муу яваа хувилбартаа буюу бид нарын хэлдэгээр тамд очино гэсэн үг болох нээ дээ. Яагаад байж болохгүй гэж??????

- Энэ сансар огторгүй дээр бидний харж байгаагаар сая сая галакси байна шүү дээ. Цаашлаад тоологдохгүй ч их байж болох юм. Ер нь сансар огторгуй хазгааргүй гэхээр миний санаанд багтдаггүй юм. За яахав хязгааргүй гээд төсөөлөөд явъя! Яагаад ч буухгүй байгаа биз?? Учир нь бидний оюун санаа бүх юм нь хязгаартай энэ дэлхий дээр танин мэдэхүйгээ олж авсан болохоор хязгааргүй гэсэн ойлголтыг хүлээж авахгүй байгаа хэрэг. Хүний тархиний багтаамж хязгааргүй гээд байдаг. Юутай ч энэ хүний хэлсэн үгийг сая хараад энэ бүхнийг бичхээр шийдээд.

Харин одоо доорхи үгийг би хэлж байгаам!!!

Зүүд бол зүгээр нэг хийсвэр төсөөлөлийн үйл явдал биш
Зүүд бол өөр ертөнцөд надад яг тохиолдож байгаа бодит үйл явдал
-------------- Бөхчулууны Эрдэнэжаргал--------------

Tuesday, July 02, 2013

Говь нутаг


Цэлмэг тэнгэрийн нартай эрхэлсэн
Цэлгэр говьдоо өсөж торьноод
Хүлгийн зоонд ташуур өргөөд
Хүний зэрэгт хүрсэн болохоор

Элгэн халуун говьдоо
Эхийн хайраар холбоотой
Ай хө зээ хө алтанхан говь минь
Алхам ч холдомгүй унаган нутаг минь

Үелзсэн зэрэглээ нь алтлан наадсан
Хүлгийн говьдоо нэрээ дуудуулж
Сүргийн тоосноос амьдралаа эхлээд
Сүлд хийморио өргөсөн болохоор

Элгэн халуун говьдоо
Эхийн хайраар холбоотой
Ай хө зээ хө алтанхан говь минь
Алхам ч холдомгүй унаган нутаг минь

Цэлмэг тэнгэрийн нартай эрхэлсэн
Цэлгэр говьдоо өсөж торьноод
Хүлгийн зоонд ташуур өргөөд
Хүний зэрэгт хүрсэн болохоор

Элгэн халуун говьдоо
Эхийн хайраар холбоотой
Ай хө зээ хө алтанхан говь минь
Алхам ч холдомгүй унаган нутаг минь

Friday, June 14, 2013

Дугуйн аялал

- Дугуйн аялалын хувьд миний бичих зүйл их л байна л даа. Үнэндээ одоог бодвол нэлээн хэдэн жилийн өмнөх явдал болсон байна. Цаг хугацаа ч амархан юм даа. Хүн жар хүр ч арай гэж ухаан орох гэж байтал жилийн дараа үхнэ гэж үг байдаг. Энэ үг цаанаа л их утга агуулсан үг байгаа юм. Миний хувьд Франц орныг дугуйгаар аялана гэдэг үнэндээ амьдралд олдох ховорхон боломжуудын л нэг байсан. Өөрийгөө бас азтай хүний тоонд оруулдаг юм. Франц орон дугуйгаар аялахад үнэндээ л сайхан юм байна лээ.  Би Парист байхдаа нэгэн Emmaus гээд нэгэн байгууллагад Франц хэл сурсан ухаантай.  Үнэнийг хэлэхэд сурахад хэцүү хэл байсан болохоор Франц хэл сурсан гэж хэлэхэд их хэцүү. Тэгэхдээ яахав мэдэхгүй хүний хажууд мэднэ гэж байгаа. Энэ Emmaus гээд байгууллага нь миний төгсдөг жил түүхэндээ анх удаа Франц орныг тойрох дугуйн аялал зохиосон юм. Яг тэр үеэр би их азтай энэ аялалд оролцох аз тохиосон юм. Анх удаа би явахгүй гэж бодож байсан харин миний найз Камило намайг ятгасаар байгаад явах болж байж билээ. Харин би явалгүй үлдсэн бол их аз завшаанаас үлдэх байсанаа сүүлд л ойлгосон юм. Тийм учраас би дотроо Камилод их баярлаж явдаг.  Энэ аялалд нийтдээ 500 аад хүн оролцсон нэлээн өргөн хэмжээний арга хэмжээ болж өнгөрсөн гэж хэлж болно.  Нийтдээ нэг сарын турш Францийн 20 гаруй том хотуудаар дугуйгаар орж гарсан томоохон хэмжээний арга хэмжээ болсон юм. Энэ аялалд би ганцаараа л Монгол хүн байлаа. Тэгэхээр үнэхээр бас сонин. Бид ингэж явахдаа Францийн нэлээн олон түүхийн дурсгалт газраар дайрсан юм.  Хамгийн харамсалтай цаг бага байсан болохоор зүгээр л дайраад өнгөрөөд байсан юм. Үзэж сонирхох цаг хугацаа нэг их байгаагүй. Зардалын тухай их сонирхож байгаа байх. Биднээс жишээ нь надаас ганц улаан сохор зоос ч гараагүй.  Иймэрхүү зүйлүүд мэдээж өндөр зардалтай байх нь гарцаагүй байдаг. Энэ Emmaus гээд байгууллага нь их учиртай. Миний хувьд их ач тусаа өгсөн байгууллага байгаа юм. Мэдээж би энэ бүхнийг бичихээс өмнө энэ байгууллагын талаар бичих хэрэгтэй байх гэж бодож байна.


- Ганц дайчин ганцаардахгүй гэдэг шиг ганц Монгол ганцаардаагүй л юм даа.  Бидний ихэнхи дандаа голдуу гадны хүмүүс. Энэтхэг, Шриланка, тэгээд нөгөө л нэг Африкийн юу юу ч билээ улсуудаас баахан хар нөхдүүд.  Бидний аялал үнэнийг хэлэхэд их зугаатай дурсамжтай сайхан болж өнгөрсөн. Нэлээн олон Афганистан нөхдүүд их явсан юм. Тэр дундаа нөгөө л Монголчууд бидний  төрөл төрөгсөд яс цус нэгт ахан дүүс гээд сүйд болоод байгаа нөгөө Хазаранууд их явсан юм.  Энэ аялал миний амьдралд хамгийн дурсамжтай амьдралд ховорхон тохиолддог зүйлүүдийн нэг. Тийм болохоор би хүмүүсд дурсан ярих их дуртай.